За ФАО и Агрометео.мк


Agrometeo.mk е специјализирана Веб страница за агрометеоролошка прогноза, која на едноставен и разбирлив начин ги презентира информациите потребни на земјоделците за преземање на соодветни агротехнички мерки.

Со Веб страната управува Управата за хидрометоролошки работи на Република Македонија (УХМР), а истата е реализирана во рамки на проектот “Намалување на ранливоста на земјоделството кон климатски промени”, финансиран од Организацијата за xрана и земјоделство на Обединетите Нации (ФАО), кој се спроведе во периодот 2015 - 2017 година во партнерство со Министерството за земјоделство, шумарство и водостопанство на Република Македонија.

Во рамки на проектот се набавени и три модерни автоматски метеоролошки станици, инсталирани на три локации: Градско, Кочани и Струмица, со кои управува УХМР, на кои локации се произведуваат стратешки земјоделски култури: градинарски, овошни и ориз, за коишто е многу важно редовното следење на временските прилики. Временските податоци обезбедени преку метеоролошките станици се од сега достапни на земјоделците преку Агрометео.мк во вид на временски (дневни и сезонски) прогнози, аларми (метео-аларми, аларми за болести кај растенијата, агро-аларми: поволни / неповолни услови за прскање / работа на терен), фенолошки набљудувања, вклучително фенолошки фази за растенија по региони, како и информации во форма на документи за преземање (временска прогноза и информации и агро-прогнози)

Прогноза

Прогноза за 20.09.2021

Врнежи за изминатите 24 часа (во л/м2) до 8 часот: 20 Дебар, 12 Попова Шапка, 10 Лазарополе, 9

Крушево, 5 Тетово, Маврово, 3 Крива Паланка, 2 Пожаране, Виница, 1 Прилеп.

Времето денес (20.09.2021 год.): Малку до умерено облачно и нешто потопло. Ќе има повремен локален

дожд, особено во крајните западни и источни делови. Ќе дува умерен до засилен ветер од југозападен

правец, кој попладне ќе го менува правецот во западен, а потоа и во северозападен.

Максималната температура ќе биде во интервал од 25 до 34 степени.

Времето и метеоролошки параметри за Скопје: Малку до умерено облачно со умерен до засилен ветер

од западен, а кон крајот на денот од северозападен правец. T= 30 °C, P= 979 hPa, U= 45 %, V= 5 m/s.

НАЈАВА: Од утре до четврток ќе преовладува променливо облачно и значително посвежо

време со умерен до засилен ветер од северозападен правец. Утре и во среда ќе има повремен

локален дожд. Од четврток утринските температури ќе бидат особено ниски, а од петок

повторно ќе има пораст на дневните температури.

За повеќе информации на следниот линк: https://uhmr.gov.mk

Агрометеоролошка прогноза

Состојба на земјоделските култури во Република Северна Македонија и агрометеоролошка прогноза  за периодот после  17.09.2021 год.

Неповолните временски услови изразени преку сушата, продолжија и во изминатата седмица, во овој период надополнети и со надпросечни дневни температури, што дополнително ја усложнуваа состојбата.

Промената на времето која се очекува во текот на викендот со повремени и локални врнежи од дожд, не очекуваме да ја решат состојбата со сушата, заради фактот дека недостасуваат многу повеќе врнежи од очекуваните.

Нов влажен бран на делови од Републиката се очекува во втората половина на наредната седмица, при што треба да ги зафати северните и западните делови, со што и дневните температури ќе опаднат за неколку степени, со поумерени температури и повремена облачност.

Ваквите временски услови во овој период од годината се невообичаени, но се повеќе се губи и ефектот и потребата од наводнување, ако се знае дека вегетацијата е при крај, со што и потребите од вода се намалуваат.

Проблемот со припремите на почвата за раните есенски сеидби, останува, скоро и да се невозможни за изведување, особено на незаорани стрништа, така да сите овие работи на отвоено ќе почекаат некои нови подобри временски услови, пред се со врнежливи денови.

Очекуваните временски услови ќе им годат на земјоделците за прибирање на родот во градинарството на отворено, жетвата на пченката, добирање на тутунот од врвните инсерции и негово сушење, како и берба на грозје, и овошки од средностасните сорти.

Препораката за пчеларите е да вршат поинтензивна прихрана со течна храна како и сите останати, вообичаени  припреми за зазимување на семејствата. 

Преземи документи

Преземи агро документи