Нумеричка прогноза модел NMM

Метеограм , 22 Oct 2020

Прогноза

Прогноза за 21.10.2020

Времето денес (21.10.2020 год.): Сончево со мала локална облачност и со слаб ветер претежно од

северозападен правец. Максималната температура ќе биде во интервал од 17 до 23 степени.

Времето и метеоролошки параметри за Скопје: Претежно сончево.

T= 19 °C, P= 989 hPa, U= 40 %, V= 2 m/s.

(Т- температура, P- притисок, U- релативна влажност, V- средна брзина на ветер)

НАЈАВА: До сабота ќе се задржи стабилно време со ниски утрински температури и со услови

за утринска магла по одделни котлини. Дневната температура ќе биде во пораст. Во сабота

облачноста ќе се зголеми, а од недела ќе преовладува променливо облачно време со

повремени врнежи од дожд со променлив интензитет.

За повеќе информации на следниот линк: https://uhmr.gov.mk

Агрометеоролошка прогноза

Состојба на земјоделските култури во Република Северна Македонија и агрометеоролошка прогноза  за периодот после  16.10.2020 год.

Повремените врнежи од дожд во изминатата седмица, на некои места достигнаа вредности и до 40 л/м2 но сепак најчесто беа до 30 л/м2, а тоа се количества кои сеуште можеа да се искористат и впијат во почвата.

Започнатата жетва на оризот во Кочанско и есенска сеидба на јачмен во Републиката, за кратко беше прекината, баш заради врнежливото време.

Новите врнежи од дожд во текот на викендот ќе ја надополнат влагата во почвата, но на некои места можно е и останување на дел од врнежите на површината заради презаситеност на почвата со вода, кое во наредниот период може да предизвика одложување или прекин на сеидбата.

Сепак прогнозите за наредниот период се дека ќе имаме повторно стабилизација на времето, што е добар знак за земјоделците и за работите кои им претстојат на отворено.

Температурите на воздухот и на почвата ќе бидат оптимални за поникнување на веќе посеаното и за поникнување, а температурите на воздухот околу 20 и над 20 оС во овој период од годината ќе допринесат за испарување на вишокот на вода во почвата и овозможување на оптимални услови за сеидба на пченицата.

Кон средината на наредната седмица се очекуваат и првите минимални-негативни температури во Беровско.

Преземи документи

Преземи агро документи